منتدى الفرح المسيحى - ارفعني عشان أرجع تاني أغني ليك

https://upload.chjoy.com/uploads/163816590400921.jpg

كتير بفشل في تحديات قدامي
وكتير بحس أنه خلاص كدة جابت آخرها ومش قادر أخطي خطوة تاني
الأصعب بقى لما بحس بالظلم وحاجة اتسلبت مني
الوقت ده بالذات بفتح اقرا مزمور ٣٧
في وسط المزمور يقول الكلمات دي إللي مبروزها قدامي طول الوقت:
“مِنْ قِبَلِ الرَّبِّ تتَثَبَّتُ خَطَواتُ الإنسانِ وفي طريقِهِ يُسَرُّ. إذا سقَطَ لا يَنطَرِحُ، لأنَّ الرَّبَّ مُسنِدٌ يَدَهُ.”
**
مش بلاقي معاها غير دموعي بتنزل وسط ألمي وبقوله كدة:
أنا عارف إنك مثبت خطواتي
وعارف إنك معايا في الطريق
وحتى لو وقعت أو اتزحلقت بسبب من عندي جوايا أو بسبب مش مني برايا
مش هتسمح أني أنطرح. مش هتسمح أني مقدرش أقوم لإنك ببساطة ماسك أيدي وهتشدني وتساعدني.
أنا جايلك دلوقتي وبقولك أنا وقعت شدني لأني محتاج ليك
ارفعني عشان أرجع تاني أغني ليك!