منتدى الفرح المسيحى - الله المؤدب الشافي

https://upload.chjoy.com/uploads/163796377441561.jpg

الله المؤدب الشافي

بقف كتير اوي قدام الجملة دي .. يعني ايه مؤدب
و شافي في نفس الوقت ؟ لحد ما عشتها بنفسي
و فهمت معناها عملي ...
فهمت ان معني كلمة مؤدب و شافي ان في شفاه تأديب
و في تأديبه شفا ..
..
يأدبك بحنية عشان تبطل حاجة معينة لوحدك عمرك ما كنت هتعرف تبطلها.
....
هو عارف كويس اوي الطريقة الي يجيبك بيها
، مش بس الطريقة ده كمان الوقت المناسب
الي الطريقة دي تجيب معاك فايدة فيه ...
وفى وسط تأديبه يظل هو الله الغير مجرب بالشرور
و الذي لا يجرب احد ..♥️
معادلة فعلا صعب فهمها و في الحقيقة صعب شرحها لكن هي مواقف بتتعاش تحس فيها انك في تجربة و مضايق و جايب اخرك .
.. بس ربنا يبعتلك رسالته ويطمنك ..
يبعتلك صوت واحد صاحبك
يبعتلك صوته في الكتاب المقدس
يبعتلك خادم ..
المهم انه بيبعتلك صوته الي تعرف تقبله في الوقت ده
...مؤدب شافي ... بيخفف و بيعالج و بيشيل
و بيعمل كل حاجة في حركة واحده..♥️
فيا ايها المؤدب الشافي طبيب ارواحنا و اجسادنا ..
. عرفنا نشوف حنيتك في تاديبك و نتمتع بشفاك ..♥️🕊️