منتدى الفرح المسيحى - ماما عاوزة فستان جديد

ماما عاوزه فستان جديد 👗
شهد احنا لسه جايبين لبس الشهر اللى فات وانتِ مش محتاجه
علشان خاطري يا ماما اخر واحد
كل مره بتقولى كده وانتِ فعلا مش محتاجه

وطال الحوار
الام بتحاول ترفض بلطف
والبنت عصبيتها وصراخها بيزيدو

وفجأه سكتت وسرحت بتفكرها
وفضلت هادية لغايه ما نزلوا من العربية 🚕

ولكن
وهي نازله تمتمت بكلام مش مسموع قوى
بس واضح اللى حد ما
وقالت "بابا كان عنده حق لما قال لعمتو مراتي بخيله "

_نسيت أقولكم ان الاب والأم منفصلين وشهد عايشه معظم الوقت مع مامتها _

الام سالتها قولتي ايه؟!!
لكنها مرضتش تعيد الكلام
لكن الام سمعتها وغضبت جدا
وحاولت
تثبت العكس فى الايام اللى بعدها بطريقه غير اراديه

وبعدها اكتشفت أن الاب مقلش الكلام ده خالص

شهد عندها ذكاء إجتماعي
وبتعرف تتنبأ إزاى ممكن الناس اللى قريبين منها
ممكن يتصرفوا بناءا على كلام أو فعل معين

و دي مهاره وقدرة ممتازه لما تكبر 👌

ولكن لغايه ما تكبر لازم تعرف توجهها صح علشان متستخدمهاش بطريقة مؤذيه أو تعلمها الكذب
وعلشان نحافظ على أعصابنا وصحتنا😊
وافضل طريقة للتعامل معاه هي التجاهل