منتدى الفرح المسيحى

منتدى الفرح المسيحى (https://www.chjoy.com/vb/index.php)
-   معجزات القديسين والقديسات (https://www.chjoy.com/vb/forumdisplay.php?f=37)
-   -   شكرا البطل العظيم مارجرجس (https://www.chjoy.com/vb/showthread.php?t=82094)

بنت معلم الاجيال 10 - 09 - 2012 04:59 PM

شكرا البطل العظيم مارجرجس
 
حضرت الى الدير يوم الجمعة 12 مارس 2004 و س...جلت الآتى :أنا
ابلغ من العمر 41 عام , مرضت بمرض الذئبة الحمراء منذ حوالى 9 سنوات , ثم
فشل كلوى منذ 5 سنوات . و فى شهر يونيو 2003 أحسست بألم شديد فى كتفى ,
فذهبت إلى مركز الكلى عند الدكتور رشاد برسوم , و كان تشخيص الحالة انه
مرض الهربس . و بعد دخولى المستشفى بيومين دخلت فى غيبوبة لمدة 12 يوم
كاملين . و جميع الدكاترة بما فيهم الدكتور / رشاد برسوم مدير المركز , و
الدكتور / طه أشتاذ المخ و الأعصاب قالوا لأخوتى ان الحالة منتهية و فى
حكم الموت لأن الهربس و صل إلى المخ عن طريق النخاع الشوكى و دمر المخ
تماماً و قد ظهر آثار ذلك فى الآشعة المقطعية أيضاً , كما كان النبض ضعيف
جدا و الضغط منخفض بصورة مقلقة . أما
أنا فوجدت نفسى واقفة فى مكان جميل و مليانة فرح و سلام غير عادى , حاسة
كأنى طايرة من الفرح , و شفت نور قوى جداً عرفت أنه ربنا يسوع المسيح له
المجد . بعد مسافة لقيت مارجرجس لابس
قائد عظيم وله رهبة جميلة , وورائه رهبان كثيرون ساجدين , و أنا واقفة و
المفروض أنى رايحة علشان أقف فى الطابور ورائهم لكن مش عارفة أقف فين , و
مكسوفة اسأل . وجدت مارجرجس نظر إلى
بإبتسامة جميلة جداً , و قال : تعالى هنا مكانك جنبى " , لكن بسرعة سمعت
صوت مثل الموسيقى ليس صوت عادى قال " لا مش دلوقتى ! الأول تنزل تربى
بنتها " لأن زوجى متوفى و عندى بنت وحيدة و أنا عايشة من أجل تربيتها و
فجأة و جدتها تنزلنى زى سلالم و طرحتها بتهفهف على أنا مش شايفة وجهها لكن
سمعاها أنها السيدة العذراء . فتحت عينى ,
و قلت لأخى " أنت فين " . فإنزعج أخى جداً لأنى قمت مرة واحدة و تكلمت , و
أنا المفروض ميتة . و الدكتور قال حتى لو حصل لها معجزة و قامت , هتكون
بدون عقل لأن المخ تدمر تماماً .جرى أخى للدكتور و قال له " آختى قامت " ,
فقال له الدكتور " يا ابنى دى حلاوة الروح , أختك خلاص ماتت " . دخل
الدكتور حجرتى و فوجىء بى جالسة , سألنى " أنت عارفانى أنا مين " استغربت
" طبعا يا دكتور أنا عارفاك , هو فى آيه ؟ مالكم مندهشين كده ليه ؟! ثم
حضر كل الدكاترة و كانوا فى اندهاش و قالوا " ازاى بتتكلمى ؟! أنت أكيد
شفتى حاجة , أنت حصلت لك معجزة كبيرة جدا علشان تقومى كده , و كمان فى
كامل و عيك فحكيت لهم ما رأيته . و بعد ما رجعت للمنزل قلت " يمكن اللى
شفته ده هلوسة " . و صليت يارب عرفنى حقيقة الأمر . بعدها و أنا قاعدة
سندت رأسى و نمت فرأيت نفس المنظر الذى رأيته فى السماء , لكن جنب مارجرجس
واحدة جميلة جداً , و قال " أنا مارجرجس " فصحيت بسرعة و أنا صوته فى أذنى
ووجدت نفسى قد غفوت 3 أو 5 دقائق فقط .

أنا اشكر الله على عظم صنيعه معى , و اشكر البطل العظيم مارجرجس

Mary Naeem 10 - 09 - 2012 06:14 PM

رد: شكرا البطل العظيم مارجرجس
 
شكرا على المشاركة المثمرة
ربنا يفرح قلبك

بنت معلم الاجيال 11 - 09 - 2012 12:40 PM

رد: شكرا البطل العظيم مارجرجس
 
http://www.almuhands.org/forum/store...270218_745.gif


الساعة الآن 08:43 PM

Powered by vBulletin® Copyright ©2000 - 2025