منتدى الفرح المسيحى - هو مش بيزهق ودايماً هيكون ليك ملجأ

https://upload.chjoy.com/uploads/163679293218491.jpg

في وقت بحس فيه أني مطحون على الآخر..
ووقت تاني بحس بضيق بيحاوطني من كل أتجاه
الحقيقة الوقت ده مش بعرف أروح لمين وأشكي لمين
لأنه زي ما تقول كدة محدش بيكون طايقني ولا مستحملني
أسمع بقى داود بيقول آيه في مزمور 9

ويكونُ الرَّبُّ مَلجأً للمُنسَحِقِ. مَلجأً في أزمِنَةِ الضّيقِ.

عارف يعني إيه ملجأ!! يعني المكان اللي تروحله ولما يكون ملكش حد
المكان اللي تروحله لما ميكنش ليك ضهر
المكان اللي تروحله لما تكون مش طايق نفسك ولا طايق أصلاً حد
الجميل كمان هنا أن كلمة أزمنة جاية "جمع" مش مفرد
يعني مش زمن الضيق لكن حتى مع تكرار الضيق وتكرار التعب وتكرار الانسحاق
هو مش بيزهق مني
حتى لو الكل زهق مني
هو مش بيزهق ودايماً هيكون ليك ملجأ🙏🏼🙏🏼