منتدى الفرح المسيحى - لو مهتم إنك تبقى سوي نفسياً

https://upload.chjoy.com/uploads/163639414710291.jpg

لو مهتم إنك تبقى سوي نفسياً
دي أدوات مهمة جداً تساعدك:

1) الالتزام 👌
عادة البدايات سهلة لما نبدأ نعمل ريجيم أو نلعب رياضة
أو نتعلم موسيقى، وطبعا لما نبدأ نعالج مشكلة نفسية عندنا،
لكن التزامنا للآخر هو الفيصل في تعافينا منها.

2) التواضع 🙏
الحقيقة علشان نكون فعلا أسوياء غالبا هنتواجه
بحاجات صعبة فينا تحتاج لاتضاع مننا للاعتراف بخطأنا
وبمحدوديتنا اللي بتخرج منها تصرفاتنا المتعبة دي.

3) الصدق مع النفس 👥
صعب أوي يتغير شخص مش صادق مع نفسه
أو بيخدعها وبيهرب من الحقايق حتى لو كانت مؤلمة.

4) طلب المساعدة وقت الاحتياج 👬
والحقيقة الفكرة دي فيها اعتراف ضمني مننا
إننا أشخاص محدودين وطبيعي نحتاج مساعدة
في المناطق الضعيفة في شخصياتنا
ودي حاجة مريحة ومفيدة لينا لما بتحصل.

5) شجاعة المواجهة والتغيير 💪
الشجاعة صفة مش سهلة أبدًا في تنفيذها
خصوصا لما بيتعلق الأمر بعيوب أو مشاكل في شخصياتنا،
لكن بس شجاعتنا الحقيقية هي اللي بتساعدنا نتحرك
برغم من خوفنا وقلقنا وعدم الراحة في أكتشاف عيوبنا.