منتدى الفرح المسيحى - يا عزيزى كلنا ...

https://upload.chjoy.com/uploads/163614910259271.jpg
برغم منطقية الفكرة لكننا برضوا كتير بنتسائل
هو بجد كل الناس بلا استثناء
عندها بعض المشاكل النفسية
اللي بتخليها غير سوية بنسبة 100%؟!.
طب بالنسبة للأطباء النفسيين بقى اللي مفروض
بيعالجوا المشاكل النفسية عند الناس
هل هما كمان ممكن يكون عندهم مشاكل نفسية؟
ويحتاجوا لمساعدة في بعض الأوقات زينا؟!
الحقيقة إن الإجابة.. آه
كل الناس بلا استثناء معرضة لبعض المشاكل النفسية
اللي بتسببها الأزمات وخيبات الأمل والصدمات..
حاجات كتير جدا.. ببساطة لأن كُلنا بشر
عندنا نفس مكونات النفس البشرية اللي بتتأثر بالألم
والحزن والإحباط وخيبة الأمل والوجع والظلم..
فاكرين في مسلسل خلي بالك من زيزي..
الدكتور اللي كان بيعالج زيزي،
هو نفسه كان عنده أزمة نفسية بسبب موت ابنه
وكان محتاج يتعامل معاها!!..
والغريب انه رغم انه دكتور شاطر وساعد زيزي جدا
لكنه احتاج لمساعدة من دكتور تاني علشان يعدي الأزمة دي
ويواجه الموقف الصعب دا..
علشان كدا ولا الدراسة ولا حتى ممارسة الطب النفسي
ممكن تحمي شخص بنسبة 100% من المشاكل النفسية.