منتدى الفرح المسيحى - بيسمع بيهتم وعلي طول متاح

https://upload.chjoy.com/uploads/163587896423811.jpg

أحلي حاجة في ربنا انك تقدر تكلمه بأي طريقة وفي أي وقت وعن أي حاجة

تقدر تكلمه بأي لغة حتي لو صلاتك عبارة عن "please يا رب"
، وتقدر برضه تتكلم باللغة الformal زي الآيات والصلوات المكتوبة أياً كان مصدرها

أي وقت: وانت واقف في الكنيسة، وانت علي سريرك لسه بتصحي،
وانت وسط الناس في الشارع ولا الشغل

عن صراعاتك في شغلك، عن الركنة اللي مش لاقيها،
عن نعمة حابب تشكره عليها، عن مشاكلك مع اللي حواليك،
عن الفستان اللي نفسك تلاقيه للمناسبة، عن صاحبك اللي وصّاك تصليله، عن مصدر قلق مستمر في حياتك

بيسمع، بيهتم، وعلي طول متاح.

ببساطة، من غير تكلُّف، بأي شكل، في أي توقيت.

مافيش حاجة فارقة معاه؛ غيرك انت. ❤