منتدى الفرح المسيحى - بابا حبيبي يسوع

https://upload.chjoy.com/uploads/163528337928231.jpg

لما تنجح و تطلع الأول هاجيبهالك 🙂
كتير مننا اتقالت لهم الجملة دي و هما صغيرين 😐
لما كنا بنطلب لعبة جديدة أو حاجة غالية من بابانا 😔
للآسف الجملة دي وصلتلنا فكرة أننا محبوبين
من بابا بس بشرط معين و المحبة متوقفة علي حاجة هنعملها 🤦
من أعظم الأفكار اللي الله أساسها هي الأبوة و أداها قدسية عظيمة لما قالنا أننا أولاده و هو بابا 😍
لكن للآسف طفولتنا و أمثلة كتير من الأباء في حياتنا
يمكن شوهت الأبوة في نظرنا 🥺
فبقينا بنتعامل مع الله علي أنه الأب اللي قابلنا قبول مشروط ✋
انت محتاج تبقي طاهر و مقدس و ناجح علشان بابا السماوي يقبلك 🙄
أنت محتاج تبطل العادات اللي أنت واقع فيها علشان تقدر تقرب منه ✋
و غيرها كتير من الأفكار المغلوطة وصلتلنا و احنا صدقناها 🥺
أنا واحد من الناس كنت بفكر كده 🤦
لكن يا صديقي بابا السماوي فتح عنيا و شفت ازاي أنه غير أي أب 😌
هو اللي قال :
أَحْبَبْتُكُمْ، قَالَ الرَّبُّ (ملاخي ٢:١ ) ♥️
فِي هذَا هِيَ الْمَحَبَّةُ: لَيْسَ أَنَّنَا نَحْنُ أَحْبَبْنَا اللهَ
، بَلْ أَنَّهُ هُوَ أَحَبَّنَا، وَأَرْسَلَ ابْنَهُ كَفَّارَةً لِخَطَايَانَا. (١يوحنا ١٠:٤) ♥️
نَحْنُ نُحِبُّهُ لأَنَّهُ هُوَ أَحَبَّنَا أَوَّلاً ( ١يوحنا ١٩:٤) ♥️
بيحبك رغم أنك مش لأنك 😌
بابا حبيبي يسوع 😍

ماعاشرتوش_يبقى_ماتعرفوش