منتدى الفرح المسيحى - " يد الله ترفع المتضعين "

" يد الله ترفع المتضعين "

https://upload.chjoy.com/uploads/163518728764681.jpg

أم ماريو ست بسيطة بتعيش في مكان بسيط في صعيد مصر و مكان يقال انه في العشوائيات .. عاشت مهمشة أغلب عمرها ، و تصادف الظروف ان الله يحرك الاحداث ان المنتج محمد عبد الحفيظ يتفق مع المخرج عمر الزهيري علي تنفيذ فيلم ذو مغامرة خاصة ، و فيلم ذو نكهة مختلفة ان اشخاصه يكونوا حقيقيين مش ممثلين ، و كان المخرج بيدور علي ست بيت عايشة في مكان فقير و بعد فترة يقع اختياره علي دميانة أو ام ماريو .

و تمثل في فيلم بعنوان " ريش " .. الفيلم بيجسد الطبقة اللي عايشين في أماكن غير أدمية و حياة غير أدمية ، و يصادف ان الفيلم ينتشر و ياخد جوائز من مهرجانات عالمية زي مهرجان كان .. و شارك الفيلم في مهرجان الجونة .. و تتحول ام ماريو في ظرف شهور الي نجمة عالمية و يرفع الله من شأنها .. و الغريب انها مدرستش تمثيل ولا لفت علي مكاتب كاستنج لكنها فقط إرادة الله .

أم ماريو قالت كدة في حديث اعلامي : معرفش ليه المخرج الاستاذ عمر اختارني انا تحديدا ، لكن عرفت انه كان بيدور علي واحدة غلبانة زيي .

عن تجربة :
الله له طرق عجيبة انه يجيب المساكين من اعماق الفشل الي قمم النجاح .. إلهي مكتوب عنه كدة في الكتاب المقدس : يُقِيمُ الْمِسْكِينَ مِنَ التُّرَابِ. لِلْجُلُوسِ مَعَ الشُّرَفَاءِ (سفر صموئيل)

مبروك النجمة دميانة .. قصة نجاح مختلفة جدا