منتدى الفرح المسيحى - لقيت نفسى كل دول

https://upload.chjoy.com/uploads/163489751098461.jpg

لما ببص للصوره دى بفضل اكلم نفسى ياترى انا مين فى دول يارب
انا اللى شايلنى وبترعانى وخايف عليه وبايدك الحلوه محاوطنى من صغرى من يوم ولادتى
ولا انا اللى سانده عليك وفرحان بيك ابويا وحبيبى وبشكرك على اللى عامله معايا
ولا انا اللى جاي اشكيلك واحكيلك من اللى اتعمل فيه
ولا انا اللى مستخبيه فيك لانى ضعيف
ولا انا اللى بفرك فى عيونى لان جمالك وبهائك غطى عيونى
ولا انا اللى طالب عطفك وحنانك علشان تقوينى
ولا انا اللى عينى عليك وبقولك خلى عينك عليه ومتسبنيش ابدا
ولا انا اللى بقولك قوينى يابويا عضدنى اجبر عظامى المتكسره
لقيت نفسى كل دول
لقيت نفسى فى كل واحد فيهم وانت كل حاجه ليه
انت الحب اللى عيشاه انت العشره اللى مقدرش استغنى عنها انت كل حاجه