منتدى الفرح المسيحى - إبداع المسيح في ضرب الأمثال

https://upload.chjoy.com/uploads/163489048370351.jpg

بيبهرني أسلوب السيد المسيح في التعليم جداً،
إزاي كان قريب من الناس وحاسس بيهم ❤
ومش بيقدم كلام خيالي بعيد عن الواقع
لكن كلام عملي بيلمس حياة الناس وتحدياتهم 👌
وده كان واضح في استخدامه للأمثال في تعاليمه،
والمثل عبارة عن قصة واقعية
غرضها تقديم صورة مختلفة وجديدة عن الله..
لأن غالبية الناس اتكونت جواهم
صور مغلوطة ومشوهة عن الله..
الأمثال بتكون فيها شخصيات
وصراعات ورموز وتشبيهات..
علشان تساعد الشخص اللي بيسمع
إنه يفكر ويكون وجهة نظره الشخصية..
الأمثال كمان بيكون فيها عنصر المفاجأة
وكسر المفاهيم التقليدية..
وده بغرض زرع مفاهيم جديدة
بتتحدى المفاهيم اللي الناس اتعودوا عليها..
في أوقات المسيح كان بيفسر أمثاله للناس،
وأوقات تانية مكنش بيدي تفسير..
وده لأنه عايز المستمع يكون ليه دور
في التفكير والوصول لقناعة شخصية..
نقدر نقول إن السيد المسيح كان مُبتكر ومُبدع
في تقديم صورة عن الله في شكل مقبول وجديد ع الناس.
الابداع الابتكار