منتدى الفرح المسيحى

https://upload.chjoy.com/uploads/163454984247811.jpg

كل وقت يعدي ينتقل حد للسما
ويقصد ربنا تفوح منه بعد انتقاله رائحة المسيح الزكية
ونشوف صورة للمسيح على الأرض ونتأكد أن الدعوة أننا نكون مشابهين صورة أبنه دعوة متاحة للي يصدقها ويعيش ويوهب حياته ليها
يعيش هنا على الأرض بعيون مرفوعة للسما ويعيش هنا الأرض كأنه في السما

الأنبا كاراس أسقف المحلة
يسوع جديد عاش وسطينا
أسقف مكنش ليه سكرتارية
أسقف كان بيرفض الكهنة أنهم يبوسوا ايديه وهو اللي كان بيبوس ايدهم
مكنش بيحب حد يعمله مطانية ولو حصل كان هو كمان بيعمله ميطانية
احتضن يتامى كتير بعد فراق اهاليهم الارضيين
عظاته بسيطة ومليانة نعمة ومليانة كلام عن المسيح
كان بينزل بنفسه يفتقد البيوت ويزور الناس
متواضع وبسيط وتلقائي
ابتسامة مش بتفارقه
شفنا دموع كتيرعلى فراقه لأنه كان أب حقيقي لناس كتير
كان يسوع ماشي على الأرض

بنو الملكوت كتير موجودين
مُشابهة صورة المسيح متاحة للناس الحقيقين
شكرا انبا كاراس