منتدى الفرح المسيحى - مهما وقعت هجري على حضنك وهروح ليك

https://upload.chjoy.com/uploads/163389458587381.jpg

وقعت في نفس الخطية تاني 😞
الخطية إللي بصارع معاها ومش قادر طول الوقت
الحقيقة حسيت أني قرفان جداً من نفسي ومش قادر أتحرك لربنا
حسيت بخزي رهيب وخجل وكسوف منه ومن نفسي
ده أنا كنت لسة بقوله بحبك
انا كنت لسة بقوله هعيش ليك
بس الحقيقة المرة دي عملت حاجة مختلفة عن كل مرة 🥺😇
رحت فتحت الكتاب المقدس!
رحت أصلي ,أقوله سامحني!
لأول مرة أعمل كدة الحقيقة... عادة مش بعمل كدة لأني بحس أني مستهلش
وأنا بقرا في كلمة ربنا لقيت الكلمات دي
"لا تذكُروا الأوَّليّاتِ، والقَديماتُ لا تتأمَّلوا بها. 19هأنَذا صانِعٌ أمرًا جديدًا. الآنَ يَنبُتُ."
صدفة غريبة جداً أني ألاقي الكلمات دي في ترتيب قراياتي العاديّ!😍

فضلت أصلي عشان اللي بينبت وبيكبر جوايا ده أنه يكون بيسود ويكون بيسيطر ويكون بينمو
ويغطي ويستر كل قبح وكل شر وكل فشل في حياتي.
وفي كل مرة أقع أقدر أقوم وأكمل تاني!
أنا مش هبص على عجزي، لك هبص على قوتك 💪
أنا مش هبص على يأسي، لكن هبص على سندتك 🥰
أنا مش هبص على هزيمتي، لكن هبص على نصرتك 👑
أنا مش هبص ورايا لكن هبص علطول لقدام 🤓
هنمي علاقتي بيك وأكبرها ..
.. ومهما وقعت هجري على حضنك وهروح ليك 🥰

#تغيروا