منتدى الفرح المسيحى - هو بنفسه هيرعاك

https://upload.chjoy.com/uploads/163368489904551.jpg

أحيانًا كتير بحس بالصغر ... بحس أني ولا حاجة. بحس أني أقل!😞

لما تحس أن الكل جنبك أهم وأنت أقل ... أو أضعف الكل ...
أو شعور العجز لأنك مش قادر تعمل إللي جنبك بيعمله عادي ...
أو شعور المرض والكل زي الفل...🤢
أو شعور أن وجودي مش مرغوب أو أني مش محبوب...
كل واحد فينا بتيجي عليه لحظة شبه كدة.... مممم أو يمكن عايش العمر كدة😔
أسمع الرب بيقول أيه بنفسه في حزقيال ٣٤
"أنا أرعَى غَنَمي وأُربِضُها، يقولُ السَّيِّدُ الرَّبُّ.
وأطلُبُ الضّالَّ، وأستَرِدُّ المَطرودَ، وأجبِرُ الكَسيرَ، وأعصِبُ الجَريحَ."😍

**لو شاعر بضعف
لو شاعر بجرح
لو شاعر أنك ضليت
لو شاعر أنك مطرود
لو شاعر أنك مكسور
سواء بسبب شخص أو بسبب ظروف أو بسبب جهلك حتى!
أسمع الكلمات دي: “أنا أرعَى غَنَمي وأُربِضُها، يقولُ السَّيِّدُ الرَّبُّ."🥰
هو بنفسه هيرعاك ورعايته فيها سؤال فيها استرداد فيها شفاء فيها قوة فيها علاج.💪