منتدى الفرح المسيحى - شفيع الفلاح👨🏼‍🌾، و البحار👮🏻‍♂️ المُسافر🚣🏻‍♂️ ( فوقا الشهيد )

https://upload.chjoy.com/uploads/163247146491121.jpg

شفيع الفلاح👨🏼‍🌾، و البحار👮🏻‍♂️، المُسافر🚣🏻‍♂️

فلاح👨🏼‍🌾 من مدينة " سينوب; أقصي شمال تُركيا من جهة البحر الأسود 🇹🇷 "، كان بيشترك مع الفُقراء في ثمار حقله المتواضعة💪🏼، و بيهتم بعابري السبيل و رطب قلوبهم في أسفارهم💞، من غير ما يغفل اللهج بكلمة اللَّه🤲🏼

⬅️ صيته وصل لحاكم المدينة🤴🏻، فبعت جنوده علشان يقتلوه🗡️، وصل الجنود لحد باب بيته وهُمَّ مش عارفين، فخبطوا عليه، ففتح لهم وأكرم ضيافتهم كعادته💞...

⛔ و بعدها سألهم: "عايزين إيه؟"، فقالوا له: "أنهم بيدوروا علي واحد مسيحي إسمه فوقا علشان صدّر عليه حُكم بالقتل"...

فقديسنا ماردش عليهم بحاجة و حافظ على هدوئه🤐، و قام حضّر لهم العشاء🍛 ومكان يبيتوا فيه🛌🏻.
وبعدما سامرهم، سابهم يرتاحوا و راح يحفُر قبر بإيديه، و قعد الليل كُله يصلي إستعداداً للشهادة🤲🏼

⬅️ وفي صباح اليوم التالي، راح لهُم وقدِّم لهُم الفطار🥪، و قال لهم📢:
"تعالوا، أنا هرشدكم علي مكان فوقا اللي بتدوروا عليه"... ففرحوا 😍.

فقال لهم📢: "هو هنا بين أيديكم".
فقالوا له: "فين؟"، فقال📢: "هنا، أنا هو❗"،

#فماصدقهوش، فأصر و أكدّ لهُم أنه هو ، فخافوا وارتبكوا😱. وحاولوا يقنوعوه أنه يهرب🏃🏻‍♂️، و هُمَّ هيقولوا للحاكم "أنهم مش لاقيينه"…
فرفض قديسنا وأصر عليهم أن ينجزوا المُهمة اللي جايين علشانها👈🏼.

وبعد وقت، رضخوا لمشيئته، فقاموا وقتلوه و حطوه في القبر اللي حفره بإيديه، و مشيوا و هُمَّ مش دريانين "إذا كانوا في اليقظة أم في المنام🙄❗".

+القديس "فوقا الشهيد "(القرن ال4م)"، بَركتُه فَلتَكُن معنا. آمين🙏🏼

+صباح عمّل المحبة💘