منتدى الفرح المسيحى - وفّر مجهودك مع شاول

https://upload.chjoy.com/uploads/163207938644851.jpg

وفّر طاقتك ومجهودك مع نوعيات بتحاول ترضيها علشان تحس انها صافية معاك وبتحبك..
نوعيات مش هتلاقي اي رد فعل منهم يعبر عن حبهم ليك..

والسبب انهم زانقين نفسهم معاك في مقارنة.. شايفين تميزك ازعاج ليهم ولمكانتهم..
فاستحالة هتلاقي نية صافية منهم..

استمر داود يقدم حب وتضحية وقبول لشاول الملك المرفوض من الله.. بس شاول استمر قلبه مليان غل لداود..

صعب يكون فيه تبادل للحب والاحترام في ظل وجود تكالب على المكانة والكراسي والمصالح..

لو بتتعامل مع نوعية شبه شاول انت محتاج ماتحملش على قلبك في محاولات ارضاءه وتحسيسه انك بتحبه.. لأنه ببساطة غله هيمنعه يحس بحبك ليه..

يمكن محتاج تصليله اكتر وتصلي لنفسك انك تتملي بالسلام..

#وفّر_مجهودك_مع_شاول