منتدى الفرح المسيحى - اشْكُرُوا فِي كُلِّ شَيْءٍ لأَنَّ هذِهِ هِيَ مَشِيئَةُ اللهِ

https://upload.chjoy.com/uploads/163173942632081.jpg

من فترة طويلة كنت بزور احدى الكنائس
ولقيت ولد صغير مش كبير
جه وقف جنبي وبيولع شمعه ويصلي
وكلامه في الصلاه كان مسموع
كان بيقوله شكرا يارب علي النتيجه
فبعد ماخلص قولتله مبروك يابطل
قالي مبروك علي ايه ؟
قولتله علي النتيجه . انا مش قاصد اتطفل عليك
لكن انت صوتك كان عالي وانا واقف جنبك
قالي بس انا سقطت
قولتله ازاي 😧😧 انا سامعك بتقوله شكرا يارب علي النتيجه
قالي ايوه مانا جيت قبل كده صليت اني انجح واجيب درجه حلوة لكني سقطت
قولتله مش فاهمك ، يعني انت جاي تشكر ربنا انك سقطت
قالي اه ، انا طلبت اللي انا عايزه لكن ربنا عمل اللي فيه الصالح ليا
قولتله وايه الصالح في انك تسقط ! وبعدين عمرك ماتذاكر وتجتهد وربنا يسمح انك تسقط من الاساس
قالي مانا ماذكرتش اصلا ، انا امي ماتت قبل الامتحانات بكم يوم
وهي عودتني اشكر ربنا على الصلاة اللي تتحقق واللي ماتتحققش
اللي يجي منه خير واللي يمنعه عني رحمه
كانت تقولي بلاش تساوم ربنا .. واشكره على كل حال
ان حقق المراد نقوله شكرا ، وان ماتحققش نقوله الف شكر

مشيت متعلم درس كبير من ولد بسيط
درس زرعته ام عظيمه في قلب ابن نقي
الام دي علمت ابنها الايه اللي بتقول
"اشْكُرُوا فِي كُلِّ شَيْءٍ، لأَنَّ هذِهِ هِيَ مَشِيئَةُ اللهِ
." (1 تس 5: 18).