منتدى الفرح المسيحى - لم أكن أظن أنني أرى وجهك

https://upload.chjoy.com/uploads/163154710457131.jpg

آية شدتني قالها يعقوب ليوسف و هو بيموت ....
"لم أكن أظن أنني أرى وجهك .. و هوذا الله قد أراني نسلك أيضاً !"
أنا دلوقتي لا أظن حاجات كتير بصراحة .... حاجات كتير تيجي تحسبها بعقلك تبوظ منك ... يعقوب يشوف يوسف إزاي ؟ ... لو كان ربنا كلمه ساعة ما ولاده دخلوا عليه بالقميص اللي متغرق بالدم و قاله متخافش هتشوف يوسف يمكن مكانش صدقه ! ... إزاي ؟ ... دمه قدامي أهو ! ... ولادي كلهم بيقولوا إنه اتقتل .. و الدليل في إيديهم أهو !
بس ربنا دايماً حساباته بره الحسابات ... و أفكاره فوق الأفكار ...
هوذا الرب قد أراني نسلك ....
بيتهيألي لو يعقوب شاف اللقطة دي من سنين كانت هتفرق كتير ...
عديت بلحظات كتير قلت فيها زي يعقوب
و متأكد إن كل قلقي دلوقتي لازم هينتهي بالجملة دي في الآخر ...
"لم أكن أظن أنني أرى وجهك ... و هوذا الله قد أراني نسلك أيضاً !"