منتدى الفرح المسيحى - سلم ليه وأتكل عليه واستني خلاصة ليك

https://upload.chjoy.com/uploads/163030785999481.jpg

قمة الرعب أنك تبقى خايف من حاجة وتلاقيها بتجري وراك! 😧
أنك تحس أنك متحاصر بعجزك
أنك تحس أنك متحاصر بفشلك 😞
أنك تحس أنه مفيش رجاء ومفيش أمل
ده بالظبط كان نفس شعور الشعب لما لقى البحر قدامه وجيش فرعون بالمركبات وراه
وهنا جت كلمات الرب على لسان موسى واضحة جدا👀
في خروج ١٤ فَقَالَ مُوسَى لِلشَّعْبِ: "لَا تَخَافُوا. قِفُوا وَٱنْظُرُوا خَلَاصَ ٱلرَّبِّ ٱلَّذِي يَصْنَعُهُ لَكُمُ ٱلْيَوْمَ."
خلاص يا جماعة وقفوا كل قلق😇
خلاص أهدوا 😊
اقعدوا واتفرجوا بس على إللي هيعمله الرب وشوفوا قوة وحلاوة إللي هيعمله معاكم النهاردة 🤩

صديقي لو تبعت من المعافرة وتعبت من المحاولات أرفع عينك عليه دلوقتي هو عنده الخلاص 🙋‍♀️
لو محاولاتك كلها فشلت واليأس ماليك هو عنده النصرة 💪
سلم ليه وأتكل عليه واقف واتفرج على اللي هيعمله معاك 😍