منتدى الفرح المسيحى - مكدر الارض و مفرح الارض

https://upload.chjoy.com/uploads/162889530766851.jpg

شاول ملك احمق، أصدر قرار اكثر حماقة و هو منع جنوده من الطعام و الشراب
الي ان يهزموا الاعداء ؛ تتصور !!
فما كان من ابنه يوناثان ان قال عنه :
«قَدْ كَدَّرَ أَبِي الأَرْضَ (صموئيل الأول ١٤: ٢٩)
وفيه ناس كده ، بسبب قرار مندفع من غير تروي او مشورة ،
تكدر كل اللي حواليها ، بالذات لو في منصب او مسؤولية ..
و كل ما مسؤوليته تزيد، تكديره يزيد..
تلاقي ام او اب يكدر أولاده، او مدير يكدر اللي بيشتغلوا تحت ايده ،
او حتي خادم يكدر الخدمة كلها ..
الاخ "المكدر" ده تطق في دماغه فكرة ينكد علي اللي تحت ايده،
و يدّفع الناس بسببه تهوره تمن غالي ، و يخليهم يدعوا عليه و يكرهوا الدنيا بسببه ..
و في ناس تانية بلسم ، نسمة ، حمامة سلام ،
منين ما يتكلم او يقرر او يفكر يوزن الحق و المباديء و القرارات مع راحة اللي حواليه ..
مثل السيد المسيح اللي عمل العكس تماما ، و فرح الناس لما لقاهم جوعي :
وَأَمَّا يَسُوعُ فَدَعَا تَلاَمِيذَهُ وَقَالَ:«إِنِّي أُشْفِقُ عَلَى الْجَمْعِ،
لأَنَّ الآنَ لَهُمْ ثَلاَثَةَ أَيَّامٍ يَمْكُثُونَ مَعِي وَلَيْسَ لَهُمْ مَا يَأْكُلُونَ.
وَلَسْتُ أُرِيدُ أَنْ أَصْرِفَهُمْ صَائِمِينَ لِئَلاَّ يُخَوِّرُوا فِي الطَّرِيقِ» (متى ١٥: ٣٢)
ده بقي اللي يسموه "مفرح الارض " ..
و ده بقي اللي الناس منين ما تشوفه او تيجي سيرته تدعي له بالبركة و تحب الدنيا بسببه ..
يا تري انت مين في الاتنين؟؟