منتدى الفرح المسيحى - ارفع نفسك لربنا ( فرح تفرح )

https://upload.chjoy.com/uploads/162646358899451.jpg

«فَرِّحْ نَفْسَ عَبْدِكَ، لأَنَّنِي إِلَيْكَ يَا رَبُّ أَرْفَعُ نَفْسِي» (مز٨٦: ٤)

ليه فرحة الناس ماتيجش عن طريقك ؟!!!
وانت نازل من بيتك انهاردة.. عارف الست اللى بتبيع عيش على اول الشارع دى ؟ ابتسملها ..
عارف الولد اللى بيبع مناديل مع باباه الأعمى اللى فالمترو ؟ صليلهم ..
عارف الشحات اللى رجله مقطوعة و قاعد على الناصية ؟
هاتله ساندوتش ..
و الست بتاعت الخضار
والفكهانى ..
صبح عليهم !!
و سواق الميكروباص لما يوصلك قوله "
شكرا ياسطى ربنا يخليك لمصر !"
و هتقابل طنط عجوزة مش عارفة تعدى الشارع امسك ايدها وعديها
بس كده ....
الناس محتاجة تفرح و تشوف حاجة مختلفة فى يومها ..
و انت وانا ممكن نعملهم كدا انهارده ...
ارفع نفسك لربنا
فرح .... تفرح