منتدى الفرح المسيحى - ماترفضش حب حد ليك

https://static.xx.fbcdn.net/images/e...5/16/1f447.png https://static.xx.fbcdn.net/images/e...5/16/1f447.pngقصة لها معنى جميلhttps://static.xx.fbcdn.net/images/e...5/16/1f447.pnghttps://static.xx.fbcdn.net/images/e...5/16/1f447.png

انا فادى 21 سنه من أسوان ، بدرس فى كلية حقوق جامعه عين شمس ، الشهر ده حصلت حاجه غريبه جدااااا ، خلتنى أصدق بجد إن حكمة ربنا دايما بتكون لصالحنا ...
الشهر اللى فات قررت إنى أسيب السكن اللى قاعد فيه عشان مش عارف أذاكر من الدوشه اللى بيعملوها العيال هناك ، فا اجرت أوضه على سطح عماره لوحدى ، قولت أقضى فيها فترة الأمتحانات ، بعد ماروحت هناك بيومين ، شوفت حاجه غريبه جدا ، لاقيت كلب بلدى فى وش باب أوضتى ، بصراحه ومن غير كدب انا عندى فوبيا من الكلاب ، بخاف منهم ، بسببه إتحبست فى أوضتى النهار كله عشان خايف اخرج ، وفضلت ارمى عليه حاجات وادلق عليه مايه من الشباك عشان يمشى بردو مافيش فايده ، بس الغريب بقى انى لما كنت برمى عليه حاجه ماكنش بيزوم ولا يهوهو ولا اي حاجه ، كان يبعد ويرجع تانى ، انا الاول افتكرته تعبان ، الموقف ده أجبرنى إنى أتحدى خوفى واحاوا اطلع ، بعد محاولات كتير ، جبت عصايا وفتحت الباب ربع فتحه عشان ازق الكلب اخليه يمشى ، وبردو مافيش فايده مش عاوز يتحرك ، اخر مازهقت من التعب والجوع ، عاوز انزل اجيب اكل منا مش هاتحبس هنا ، وثانيا ماينفعش اتصل بحد من صحابي يجي ، اقوله ايه ، خايف من كلب https://static.xx.fbcdn.net/images/e...5/16/1f60f.png ، مايصحش بردو ..
المهم فتحت الباب خالص ، لاقيت الكلب باصصلى بنظرة حزن ونايم على الأرض ، قلبى إتطمن شويه انه ماتحركش من مكانه اول مافتحت الباب ، خوفت اتحرك بسرعه يجرى ورايا ، قولت اتحرك بخطوه بطيئه وكأنى بالتصوير البطئ وانا عاضض لسانى وكاتم نفسي عشان الكلب مايشمش ريحة الخوف ويجرى ورايا https://static.xx.fbcdn.net/images/e...5/16/1f604.png .. ونجحت اني امشى ،
والكلب ماتحركش خطوه ، وكأنه بيوجهلى رساله ماتخافش ...
بس اللى مستغربله ازاى كلب زي ده يسيب الشارع والخرابات ويجى هنا ، وايه السبب ، وعشان ايه ؟
المهم رجعت من بره على امل ان الكلب مش موجود ، لكنى لاقيته موجود بردو ، اتعصبت عليه وزقيته ورميت عليه مايه ، وانه يمشى بردو مافيش فايده ، علي الحال ده استمرينا اسبوع ، وبردو مش عاوز يمشى ، مع انه قاعد اليوم كله في السطح مش متحرك لا بياكل ولا بيشرب ، وانا تعمدت اني ماحطلهوش اكل ولا مايه عشان يمشى ، بردو مافيش فايده ، مش عارف بصراحه بياكل ويشرب امتى ، جايز لما بمشى ...
فضلت على الحال ده اكتر من اسبوع لغاية نا جه يوم غريب جدااااا ، رجعت من بره لاقيت الكلب بيهوهو ، استغربت قولتله مانت فيك صوت اهو امال مالك عاملي فيها اخرس ، عمال يتنطط ويهوهو ، ومش عاوز يدخلنى الأوضه ، ويشد فى بنطلونى مش عاوزنى أدخل ، ويقف فى وش الباب حاجزنى مش عاوزنى ادخل ، المهم زقيته برجلى بغيظ عشان كنت تعبان وهاموت وانام ، بعد ما زقيته بعيد ، وفتحت الباب ، لاقيته بسرعه جرى نط فوق السرير ومسك البطانيه وجرى بيها ، وبهدلها على الارض ، جريت وراه وضربته جامد بعد ما مرمغ البطانيه في الارض ، واتعصبت عليه بغيظ بقى ، باظت البطانيه ، لاقيته قعد علي الارض وباصصلى نطرة أسف ، من كتر التعب رميت العصايه اللى ضربته بيها ومشيت ،وانا مش طايق دبان وشى ، المفجأه الكبيره بقى ، ان ارجع الاوضه بتعتى ، الاقى كارثه على سريري بعد ما الكلب شال البطانيه ، لاقيت عقربhttps://static.xx.fbcdn.net/images/e...5/16/1f631.png..
ساعتها عرفت ليه الكلب ده كان قاعد فى السطوح ..
احيانا ربنا بيبعتلنا حد عشان يقدملنا حب حقيقى ومساعده بدون مقابل ، ولكننا بغباوتنا بنعامله معامله قاسيه ونطرده من حياتنا ، ممكن نحرجه قدام الناس ، نتكلم عليه فى ضهره كلام وحش جداا ، نعاقبه ، نتعمد مضايقته عشان يبعد ...
الغريب بقى انه مش بيبعد لانه بيحبنا بجد ..
لما تلاقى حد بيحبك بدون مقابل حتى لو كان مستواه اقل منك ، امسك فيه ماتسيبهوش ، وقدمله انت كمان حبك ، ثق به ، صدقنى هو اللى باقيلك فى الدنيا هو السند اللى هاتلاقيه واقف فى ضهرك بدون مقابل ..
ماترفضش حب حد ليك .