منتدى الفرح المسيحى - البوفية المفتوح

https://upload.chjoy.com/uploads/162569992813031.jpg

الإنسان بيبان على حقيقته في المصايف
وبالذات في البوفيه المفتوح بتاع الفندق😆
الطبق بيبقى مليان بطريقة عجيبة
وبيبقى عامل زي كومة من الهندسة المعمارية لمليون صنف
وصنف على بعض🙈
اللي أساسا مش بنعملهم في البيت ولا بنطيقهم
وفي الآخر مصيرهم بيكون معروف. 😬
أو بيعمل كذا طبق ويكوم قدامه عشان يلحق قبل ما البوفيه يخلص😵
بصراحة دي مهزلة🤭 سيبك من إن العالم بيعاني من الجوع وإهدار الطعام لأن ده موضوع يطول شرحه... لكن السؤال ليه لما بنلاقي حاجة ببلاش بنفتري في استعمالها؟‼️
إيه رأيك؟ ولو سافرتي إيه الخطوة اللي تقرري تأخديها وتعمل فرق؟🤔