منتدى الفرح المسيحى - جيل مالوش كتالوج

https://upload.chjoy.com/uploads/162547675270861.jpg

🔸ابني مجنني، من ساعة بداية مرحلة المراهقة وأنا حاسه إني مش فاهماه ومش قادرة أتوقع تصرفاته.

🔸حاسه إن كل اللي بعمله مبقاش مناسب.

🔸وآخر خناقة ما بينا انتهت بجملة انا هسيب البيت وامشي! انا مبقتش صغير 😓

◀️مرحلة المراهقة بعبع الأهالي، ودائما بيقولوا إن الجيل الحالي ملوش كتالوج.

تفتكر الجيل ملوش كتالوج ولا انت اللي معاك كتالوج غلط؟

يعني ايه؟ هقولك مثالين:👇

١-ممكن تكون بتتعامل بكتالوج مرحلة الطفولة لسه بس هو خلاص مبقاش مناسب.

٢-أو بتتعامل بناء على تجاربك انت في مرحلة المراهقة زمان، وبرضه في اختلاف في الوقت والظروف.

طيب ايه الحل؟🤔
🔸الحل إنك لازم تفهم ابنك في المرحلة دي وتقدر تعمل كتالوج جديد يناسبه ويناسبك وده ممكن يقلل المشاكل جدا.