منتدى الفرح المسيحى - #رفقا_بهم رفقا بأوجاعهم

حقيقي مهما حسينا ببعض .. فيه حاجات صعب نحس بيها

لأن ألمها ميعرفوش غير اللي جربه وبس https://static.xx.fbcdn.net/images/e...5/16/1f614.png

عمرك ما هتحس احساس اخر قفلة لباب شقة لواحدة من كتر تعبها وآلمها من صدمة وخذلان دي شوف بيتدفن معاها كام احساس .....

ولا احساس اخر حضن لأب بيودع بنته أو ابنه وعارف أنه مش هيشوفوهم تاني ، ولو شافهم .. ف آخره ساعتين كل اسبوع

او احساس واحدة جوزها خدوه منها ف انصاص الليالي قدام عنيها ولا قدرت تتكلم

ولا احساس واحدة جوزها مسافر وبتعاني ف مجتمع مختلف

ولا احساس بنت ف فرحها وهي لوحدها ، أهلها سابوها واتخلوا عنها لمجرد اختلافهم معاها ف الرأي أو أي سبب تاني

ولا احساس الست اللي اضطرت تكون ست وراجل عشان تعرف تعيش وتواجه مجتمع مبيرحمش

ولا احساس طفل وكل العيال عندها اب وام ، وهو بيدفع ضريبة أن مامته وباباه انفصلوا

ولا واحد بسبب حادثة حصلتله إعاقة معينة دمرت اللي باقي من حياته

ولا مغترب بيكمل عمره وحيد عشان يكفي طلبات أهله وهما مع الوقت اتعودوا .. فمبقوش حاسين بوجعه

ولا احساس الضحك والهزار مع مريض انت عارف أنه ف آخر أيامه وعارف حياتك من بعده هيكون شكلها ايه

كل دي احاسيس صعب تكدب علي حد وتقوله انك حاسس بيه ، اللي عايش الاحساس بيكون محتاجك تشاركه .. تطمنه .. تعيط معاه وتطبطب عليه

متستغلهوش زي كل اللي حواليه .. ترحم ضعفه اللي حاطط فوقيه مليون ماسك علشان ميبانش

#رفقا_بهم
رفقا بأوجاعهم