منتدى الفرح المسيحى - عينه في طبق غيره

https://upload.chjoy.com/uploads/16243787526811.jpg

فيه ناس كده.، عينها فارغة ، علي طول باصة علي حال غيرها و رزق اللي حواليها..
عمرها ما كانت راضية و لا شاكرة ..

دايما متضايقة أن فيه حد حواليها ناجح ، معروف ، مشهور ، ربنا موسع رزقه و مبارك له في عمله و حياته ..

و من كتر ما يببص علي غيره ، الحقد و الحسد بيخلوه جعان ، و فاضي ، و عمر ما حاجة لا ترضيه و لا تشبعه ..

و من كتر ما بيغير من نجاح غيره ، عمره ما شبع من طبقه و لا فرح بنصيبه..

اما بقي اللي بيتمني لغيره النجاح و يفرح له ، تلاقي نجاحه هو يزيد قبل غيره ، لأن ربنا بيحب اللي عينه كلها خير ، و يبارك إللي بيتمني السعادة لغيره و يضاعف له العطايا ، و يحلي له نصيبه و يطمن قلبه ..

عاوز نصيبك و رزقك يزيد ، أفرح لغيرك زي ما بتفرح لنفسك ..