منتدى الفرح المسيحى - مالي ومال الناس

https://upload.chjoy.com/uploads/162404088597211.jpg

اللي بيسأل ام عن ابنها المعاق اللي عنده عشر سنين مثلا
..هو انتي موديتهوش لدكاترة😕
زي اللي بيقول لبنت في التلاتينات
ماتشدي حيلك بقي عشان نفرح بيكي😕
زي اللي بيسأل واحدة سكنة في منطقة شعبية ..
مش هتعزلي من الحتة دي بقي 😕
زي اللي بيركب مع صاحبه عربيته المهكعة
و يقولو مش هتحن علي نفسك بعربية عدلة بدل التوكتوك ده 😕
زي اللي بيقول لحد شغلانته متواضعة ..متسيبك بقي من الغلب ده و تشتغل حاجة عليها القيمة 😕
كلهم زي بعض
كله بيحدف رصاص بيضرب بيه اللي قدامه في نقطة ضعف هي اكيد واجعاه وحاسس بيها و لو كان في ايده حاجة يغير بيها الوضع مكنش اتأخر
اسكتوا عادي علي فكرة🙌🏻
لو انت من النوع اللي معندكش كلام تقولو و مبتعرفش تفتح مواضيع متلجأش للهزار اللي يدبح او الفضول اللي يوجع ده
و اسكت!!!
وزع ابتسامات ❤️
بس متعملوش كده
"فليقل خيرا 😍 او ليصمت 🤐"