منتدى الفرح المسيحى

https://upload.chjoy.com/uploads/162353682692071.jpg

بيسموه مرض الاكتئاب ، و اسمه الحقيقي تعب الشرفاء و العظماء ..

المكتئب هو صاحب أحن قلب ، و أكثرها رقة و حساسية ..

واحد ما استحملش ظلم الناس ، و لا قهرهم ، ما عرفش ياخد حقه و ما قبلش علي نفسه يرد الإهانة باهانة..
اختار انه بدل ما يزعل الناس يزعل نفسه ، و بدل ما يجرحهم، يجرح نفسه ..

بدل ما يعيش في عالم ظالم و يتقهر كل يوم ، اختار انه يقفل علي قلبه الوجع و يشيل بين ضلوعه الألم، و ينعزل مع دموعه في عالم الوحدة ..

مش محتاج اللي يلومه ، و لا اللي يتهم حياته بضعف الايمان و يزود نار حزنه بنار الذنب ..

محتاج بس حد يفهمه و يطبطب عليه و يحس بيه .. حد يقوله انا موجوع معاك و مش بالومك..

محتاج حد يمسك بايده و يقوله ما تتوجعش اكتر من كده لوحدك لاني حاسس بيك ، و جايبلك بشري مريحة ان ربنا قبل الكل فاهمك و عازر المك و مقدر زعلك وواقف جنبك من غير ما يلومك ..

تحياتي لشرفاء الوجع و عظماء الألم..