منتدى الفرح المسيحى - عيوبه بتحليه

https://upload.chjoy.com/uploads/162249584314671.jpg

زي قول الكتاب : كُلُّكِ جَمِيلٌ .. لَيْسَ فِيكِ عَيْبَةٌ. (نشيد الأنشاد ٤: ٧)

طلعت العيوب في العين اللي ما بتحبش، العين اللي ما فيهاش القدرة علي رؤية الجمال المخفي في الضعف ..

اللي بيحب بيشوف عيوبك مميزات : العصبية يقول عليها حيوية ، و كتر يقول عليه حب و اهتمام ، و الصمت يبقي عقل و رزانة ، و الاندفاع يبقي حماس ..

و لانه بيحبك ح يصبر عليك و يجيب سيرتك بكل احترام ..

اللي بيحبك ح يشوفك حلو زي ما انت من غير ما تحاول تبرر تصرفاتك ..

و الجميل أن اللي بيحس انه محبوب زي ما هو من غير لوم او هجوم بيتغير بسلاسة للأفضل في جو الرضا و القبول و الأمان ده ..

حتي ميزات المكروه عند الناس بتزيده قباحة ، اما عيوب المحبوب تزيده حلاوة ..

عارف انه درس العين الحلوة صعب ، بس مع الجهاد و الاجتهاد بيخللي الناس تتغير بسبب قلبك الحلو، و بيسعدك و يسعدهم ..