لكل يوم زوّادة:
بتخبر ست ختيارة انّو مرّة حدا طلب منها تعطي نصيحة للشباب و الصبايا اليوم. قالتلن: اجمالا بهالعمر بيكونو عاملين ثورة عا كل شي و مش غلط ابدا و اوقات بسمعن عم يقولو الحياة ظالمة و ما في شي زابط معنا بس بدّي قلّن: ما تقولو الدني بارمتلنا ضهرا و كل شي بالمقلوب، يمكن انتو واقفين بالعكس!! اوقات كتير منكون شايفين الإشيا بطريقة معيّنة لأننا عم نتطلّع من زاوية مش مناسبة اذا منغيّر مطرحنا بتتغيّر نظرتنا! تا تشوفو كل شي بوضوح و تقدرو تاخدو قرارات صح تطلّعو من ميلة النور، من ميلة ربنا، من ميلة الكتاب المقدّس، ساعتها بيصير كل شي واضح و حلو...نحنا ولاد الله هونيك مطرحنا و هونيك منكون اكيدين اننا مش واقفين بالعكس ابدا! ساعتها ما منخاف شو ما واجهنا...معك لا اخاف يا سيّد حياتي...انت لدربي اوفى صديق!