منتدى الفرح المسيحى - أصلهم ميعرفوش حاجة

https://upload.chjoy.com/uploads/162215335271521.jpg

ميعرفوش_حاجة
ميعرفوش حاجة عن المرات اللى روحك مكنتش قادرة تشيل وجعك
عن المرات اللى وقعت فيها على الارض ودموعك فضلت تنزل
ومحستش باى حاجة غير وانت بتصحى بعدها بكام ساعة
عن المرات اللى عيطت فيها بروحك من غير لا دموع ولا صوت عشان وقتها كان فى ناس شيفاك
عن المرات اللى اتمنيت فيها الموت
لمجرد ان الموت بالنسبالك كان اهون من انك تتمنى
او تدعى ان ربنا يبعد الناس اللى كانوا السبب فى اللى وصلتله عنك
عن المواقف والاشخاص اللى ساهموا فى ان مشاعرك بقت مستهلكة وروحك بقت مطفية
فطبيعى لما يلاقوك بقيت واخد جنب من كل حد وكل حاجة
اللى يعرفك هيقول انك اتغيرت او انك بقيت ندل واللى ميعرفكش هيقول انك تنك
او معقد او شايف نفسك معلش اعذرهم
أصلهم_ميعرفوش_حاجة