منتدى الفرح المسيحى - خدهم طمع و صرفهم مشاكل

https://upload.chjoy.com/uploads/162034139915611.jpg

الفلوس يا بركة يا نقمة..
يا تاخدها و الناس تدعي لك ، يا تاخدها - و الف بعد الشر - تدعي عل..يك!!
و الفلوس بتيجي و عارفة هي رايحة فين .. لو جايه برضي ربنا و دعوات الناس ليك
تبقي رايحة معاك لخيرك و راحتك و راحة اللي معاك ، و تسعد بيهم اللي محتاج منها بركة و عطايا..
اما لو جاية من غير رضي ربنا و لا دعوات الناس ، تبقي مش ح تريحك
، تيجي غلط و تروح منك غلط - بعد الف شر عنك - مشاكل تقعد تحل فيها علي قد ما كسبت منها ..
الفلوس رزق حلو ، خده بتعفف و برضي ، و اوعي تصدق لو كترت من غير بركة ح تحل لك مشاكلك ..
فلوس قليلة مع بركة و رضي يعني عيلة هادية ، و حياة هادية و مشاكل محلولة
، و ابواب مفتوحة و حماية الهية ..
و فلوس كتيرة من غير بركة، يعني ابواب مقفولة تقعد تفتحها بكل قرش جالك، مع قلة راحة البال ..
فلوس قليلة مع بركة احسن آلاف المرات من كترها بالعافية و الخناق
و الطمع و اللف و الدوران ، لانها زي ما جت ح تروح ..
اما البركة قبل الفلوس بتحوش عنك المشاكل و الخناقات و الصراعات اللي بتيجي معاها ..
و ربنا يكفيك شرها و يديك بركتها ..