منتدى الفرح المسيحى

https://upload.chjoy.com/uploads/162034099748621.jpg

الآلام اللي بنمر بيه بتتحفر في قلب الإنسان..
كلمة قاسية ، إهانة، خيانة، تخلي من صديق ، صدمة في قريب أو حبيب
، ظلم في حقك ، تشهير بسمعتك ، تنمر، عثرة من حد ثقة .
كل ده عبارة عن سيخ نار بيحفر في لحمك و اعصابك و ذاكرتك ندبات أعمق
مما يظن أي أحد أو حتي تظن انت ..
و لما باسمع في جلسات المشورة مآسي الناس ،
أكاد أري جروح و ندبات القلب و هي طالعة مع كلمات الوجع و الذل و الانكسار .
و مع كل موقف يحكيه ، أري دموع كلماته تسبق دموع عينيه .
الماضي لا يموت ، و ندبات الزمن لا تندمل.
و مع سنين سمعت فيها كل الاوجاع مفيش غير حاجتين بيشفوا جراح السنين .
تعزية الهية من السما تنسكب علي قلب مصلي متضع راضي و شاكر .
و واحد بيحبك بجد ، يسمعك و يفهمك و يسندك و يسعدك و يقف جنبك ،
و يحببك في نفسك و يرجع لك الثقة فيها .
كلمة أخيرة : خللي بالك من الجروح اللي بتحفرها في قلوب الناس بقسوتك و عنفك و تجاهلك .
انت مش قد دعوة قلب مظلوم ..

مجدى اسحق