منتدى الفرح المسيحى - البابا شنودة الناسك

https://upload.chjoy.com/uploads/16200488003571.jpg

لما ابونا انطونيوس السرياني راح البريه الجوانيه للوحده كان ابونا صرابامون نيافه الانبا صرابامون كان ديما يهتم بيه ويجبله الاكل
مره حصل موقف ابونا صرابامون وهو رايح لابونا انطونيوس اخد معه علبه تونه علشان يديها لابونا انطونيوس علشان معروف ان اكل المغاره بيكون اكل ضعيف جدا
لما وصل ابونا صرابامون المغاره قدم علبه التونه لابونا انطونيوس السريانى
ابونا انطونيوس السريانى رفض علبه التونه وقال لابونا صرابامون دي ترجعها معاك تاني ابونا صرابامون بيساله ليه ارجعها تاني كان رد ابونا انطونيوس
قاله ده مش اكل المغاره لان ابونا انطونيوس السريانى كان عاوز يعيش الوحدة الحقيقه
وكان يكتفي بشويه ملخويه ناشفه واكل بسيط جدا
وفضل النسك والتقشف مستمر في حياة الانبا شنودة اسقف التعليم وقداسة البابا شنوده الثالث
كان عايش النسك لاخر يوم في عمره
لما كان ابونا بطرس بطرس جيد ابن اخيه بالجسد يزوره كان يطلب من الطباخ انه يقدم لابونا بطرس اكل بس مش من الاكل بتاع قداسه البابا شنودة لانه كان اكله شويه دقه وعيش ناشف
وفي اسبوع الالام كان يصوم انقطاعي لحد يوم سبت الفرح
ومره ابونا بولس الانبا بيشوي طلب من سيدنا انه ياكل حاجه تسنده في اسبوع الالام كان رد سيدنا البابا شنوده لابونا
يا ابونا انا متشكر لتعبك لكن انا ليا سبعين سنه بصوم انقطاعي وربنا عمره ما قصر معايا اقصر انا معه ليه وانا في اخر ايامي.