لكل يوم زوّادة: لتكن مشيئتك بالقول وبالفعل

بيخبرو عن رجّال كان اكبر احلامو يحضر تخرج بنتو. بس قبل ما يحقّق حلمو تعرّض لحادث و فقد نظرو بسببو...
وصل اليوم المنتظر...صار يسأل مرتو اذا بنتو طالعة حلوة ببرنيطة التخرّج و سأل كيف عملت شعرها و الماكياج و كيف شكل توب التخرّج و صار يركّب صورة براسو يتخايل فيها حلمو قدّامو...
قصّة بتحزّن... بس هالبَي مع انّو ما حقّق حلمو متل ما كان بيتمنّى ما كان زعلان ابدا! كان كل لحظة عم يشكر الله انّو نِجِي من الحادث و عاش اليوم اللي تمنّاه لو بغير طريقة من ما كان مفكّر! هالزلمي مَثَل حقيقي عن عبارة لتكن مشيئتك بالقول و بالفعل! قدّيش بدها قوّة و ايمان تا نحنا البشر الضعاف نقبل مشيئة ربنا لو مش عاطول فهمناها...هالرجّال ضروري يكون درس النا كلنا بالفرح لعطايا الرب و نتعلّم منّو نشكر عا كل شي...يا ربّ ما تحرم اي شخص من تحقيق احلامو، كون رفيق طموحاتنا اللي بترضي مشيئتك و بتوصّل لتمجيد اسمك آمين!