منتدى الفرح المسيحى - عظمة وقوة المحبة

https://upload.chjoy.com/uploads/161852870111851.jpg

مش كل قوة جواها محبة،
لكن كل محبة جواها قوة،
يمكن بنتخيل أو بنتصور أو بنتوقع القوة دي انها تظهر في الكبرياء والسُلطة،
والحقيقي إن عظمة وقوة المحبة بتظهر في التواضع والتضحية،
تضحية العامل فيها هو المحبة،
عظمة وقوة بنشوفها جوة أعمال التضحية
لما بتختار تضحي عشان حد بتحبه
أنت بتكون في موقف قوة مش ضعف
لأنه باختيارك حطيته هو قبلك،

وشوفنا عظمة المحبة دي في يسوع المسيح،
لما الإله أخلى نفسه عشان يقرب من الإنسان
ويفديه ويتحد بألمه وبمعاناته كإنسان،
شوفنا في يسوع المسيح وفي مشهد الصليب والآلام قوة وعظمة بمفهومهم الحقيقي والصحيح.

"لكِنَّهُ أَخْلَى نَفْسَهُ، آخِذًا صُورَةَ عَبْدٍ، صَائِرًا فِي شِبْهِ النَّاسِ
. وَإِذْ وُجِدَ فِي الْهَيْئَةِ كَإِنْسَانٍ، وَضَعَ نَفْسَهُ
وَأَطَاعَ حَتَّى الْمَوْتَ مَوْتَ الصَّلِيبِ لِذلِكَ رَفَّعَهُ اللهُ أَيْضًا
، وَأَعْطَاهُ اسْمًا فَوْقَ كُلِّ اسْمٍ لِكَيْ تَجْثُوَ بِاسْمِ يَسُوعَ كُلُّ رُكْبَةٍ مِمَّنْ فِي السَّمَاءِ وَمَنْ عَلَى الأَرْضِ وَمَنْ تَحْتَ الأَرْضِ،" (في 2: 7-10)