منتدى الفرح المسيحى - كله مضمون بختم السما

https://upload.chjoy.com/uploads/161816854423591.jpg

خوف من الخوف !! .
تعرف ان ٩٩، ٩٩ % من اللي بنخاف منه عمره ما حصل و لا ح يحصل؟؟
و ان ال واحد من الألف % ده لو حصل اصلا ربنا بيحوله لخير افضل من خيالك ما يجيب ..
و تعرف انك الخوف من اللي ح يحصل هو مشكلتك الحقيقية اللي تاعباك؟؟
و ان اللي بيلف في دماغك و لسانك و حوارات من قلق لحاجات لا حصلت
و لا ح تحصل هو اللي بيخليك تعبان ؟؟
راحة بالك انك تجيب شوية القلق دول و ترميهم في سلة السلام ،
و تحولهم للمؤسسة السماوية لإدارة حياتك ..
كل ما في ذهنك ، اعمل ما يمكنك عمله ثم ارفعه مع الملايكة للدوسيه الخاص
بك في ارشيف السما الخاص بك ..
و اطمن ، مش ح يحصل لك الا اللي ربنا قرره لك بالخير و الفرح و السلام ..
و كله مضمون بختم السما ..