منتدى الفرح المسيحى - الميرون مش باين على وشها

https://upload.chjoy.com/uploads/16180359614641.jpg

✝️ذهب قداسة البابا كيرلـــــــس إلى إحدى كنائس الاسكندرية
، فوجد كاهن الكنيسة يناول الشعب ، فأراد أن يساعده
، فأخذ كأس الدم ليناول الدم
وفجأة نادى على الكاهن الذى يناول الجسد :
حاسب يا أبونا حاسب !!
الكاهن : خير يا سيدنا ، حصل إيه ؟؟!!
البابا : البنت دى ما تتناولش !!
انحنى الكاهن وقال له : حاللنى يا سيدنا
، دى بنتى فى الاعتراف وكمان دى خادمة فى الكنيسة
البابا : إنت تعرفها كويس !!
الكاهن : دا أنا أعرفها وأعرف أمها وأبوها
البابا : بس خليها على جنب
ولما انتهى القداس ---
قال الكاهن : ليه يا سيدنا كسرت بخاطرها ؟؟!!
البابا : يا أبونا أنا مش شايف الميرون على وشها
و عموماً ، هات لى أبوها وأمها
ولما جاء الأب والأم سألهما البابا
البابا : انتم عمدتوا البنت دى فين ؟؟
الأم : مرتبكة --- الحقيقة يا سيدنا --- الحقيقة يا سيدنا
احنا مكسوفين !!
اصل إحنا كنا نادرين نعمدها فى دير القديسة دميانة
وسنة ورا سنة وسنة تجر سنة ولغاية دلوقت ما اتعمدتش !!
البابا : مش قلت لك يا أبونا الميرون مش باين على وش البنت دى
وسادت الدهشة الجميع !!
سر الرب لخائفيه ... فليتمجد اسم الرب