منتدى الفرح المسيحى - حاجات تعرفها علي غفلة

https://upload.chjoy.com/uploads/161601793575811.jpg

من برامج خداع العقل المشهورة ان المعلومة اللي تغريك تتقال و بس ،
لكن خفايا الحقائق يخبوها عليك، و ربنا يكفيك شر المستخبي ..

يقولوا لك مثلا مزايا و اغراءات بيعة معينة (ايا كانت) ،
و يعظموا فوايدها و يحسسوك انك ح تخسر فرصة عمرك ..
و بعد ما تتورط ربنا برضه يكفيك شر المستخبي..

تلاقي شروط و خساير و التزامات لا عقلك حسبها و لا اتوقعها ،
و رجلك وقعت في المصيدة..

زي العلاقات الاقتصادية كده برضه في العلاقات الإنسانية ،
ياما جرجرة وورطة بيقع فيها اشطر الناس بسبب حسن النية و "عدم تخوين النوايا" ..

النصيحة:
-اوعي تشدك او تغرك عروض مالية او عاطفية او انسانية
قبل ما تحسبها كويس و تسأل علي أدق التفاصيل(بذكاء و حكمة ) ..

- اسأل كويس و استشير من تثق فيهم ..

- اوعي تستعجل الا بعد عمق الدراسة ..

- خللي عندك دايما خطوط رجعة و حساب المكسب لو كملت و الخسارة لو تراجعت