منتدى الفرح المسيحى

https://upload.chjoy.com/uploads/161562058358041.jpg

لما السكوت يبقي قهر و كسرة نفس ،
لانك عارف ان اللي بيهينك متجبر
، و من كتر عجرفته و قسوته ح يتمادي في شره و يزود في تهديده و قسوته ..

لما السكوت يبقي لانك متربي قوي و لسانك
مش متعود علي التلاسن و المشاجرة و تبادل الشر ..

و لما السكوت يبقي قلة حيلة ، قدام شر الناس و مؤامراتهم،
و لانك مش قد الشر و مجرب قبل كده ليالي من المخاصمة
و السهد و الهم و عواصف الأفكار ..

لما يبقي من حقك تتكلم و تدافع عن نفسك ،
و انت فضلت تسكت علشان تشتري سلامك و سلام عيلتك ..

لو المظلوم اتكلم ما تخافش لانه ح يطلب حقه بنفسه ؛
لكن خاف قوي من الساكت المقهور ،
لان له اله ضابط الكل بيدافع عنه و ياخد له حقه ..

الله يسمع دعوة الساكت و ينصفه
حتي لو ما طلعش من قلبه الا كلمة "آه" ..