https://upload.chjoy.com/uploads/161452419320981.jpg

عايشين بالوعد

عايشين والوعد بيحمينا منقوشة في كفك أسامينا
تروينا في حبك تحيينا وحياتنا مليانة هتاف
ترفعنا تحقق أحلامنا وحنانك يشفي آلامنا
وبحبك تملا أيامنا ولا يرجع القلب يخاف

يسوع يا حلو يا غالي يسوع يا مصدر أمالي
حبيب ولا كل الحبايب ومعاك العيشة تحلالي

وياك أشواك الهم تزول وأنين الكسرة معاك بيدوب
وحياتنا معاك تهتف وتقول دا إلهنا إله غالب ومهوب
لا دموع ولا حزن ولا هموم ده مسيحنا في قلبه لينا أفراح
وخلاص مش راح يبقى ولا يدوم في القلب أوجاع ولا جراح

يسوع يا حلو يا غالي يسوع يا مصدر أمالي
حبيب ولا كل الحبايب ومعاك العيشة تحلالي

مجدك هايزيد جوه عنينا تشبعنا دايماً وإحنا معاك
ووعودك تسكن فينا أكيد من مجد لمجد نعيش وياك
وتحرر كل المأسورين ولا يوم راح يقوى علينا أنين
وكل قلوب المكسورين اليوم هتقول وياك غالبين

يسوع يا حلو يا غالي يسوع يا مصدر أمالي
حبيب ولا كل الحبايب ومعاك العيشة تحلالي