منتدى الفرح المسيحى - جربها ومش هتخسر

عاوز ترجع تضحك تانى
بقلب صافى مش انانى
مخنوق وزهقان من الدنيا
عاوز تكون لوحدك شوووويه
هقولك على الحل
بس اوعدنى تعمله
هتدخل جوة اوضتك
وتقولهم مش عاوز حد يدخل لمده ساعه او يخبط عليا
او اقولك قولهم داخل انااااااااااااام
وادخل جوة اوضتك
وارمى كل حاجه بره
مشاكلك همومك تعبك حيرتك حزنك كله كله
ودور كويس فى كل ركن
يمين وشمال فوق وتحت
هتلاقى فى جانب من الجوانب
صورة جميله فيها واحد بيحبك
انسى انه ألهك
اتكلم معاه بقلبك
قوله شايف اللى على الباب دول
الحزن كذا كذا
الهموم من كذا
التعب من كذا
احكى على كل حاجه سبتها بره
قوله اعمل ايه
انت يارب قوتى
محتاجلك تقوينى انا ضعيف
اتكلم معاه
ولو هتبكى ابكى
صدقنى هيسمع ليك
وبعد ما تخلص خالص
حتحس بتغيير فى قلبك
وهتخرج وانت مبتسم
كأنك بتقول لكل الدنيا
انا مستعد لأى حاجه
يسوع معايا
مش خايف ولا قلقان
هتخرج وانت مبتسم وكأنك عشت معاه سنه مش ساعه
جربها ومش هتخسر

منقول