لكل يوم زوّادة: خيبة أمل ولد

بيخبرو عن صبي كان عندو projet بالمدرسة لازم يعبّو 5 ساعات خدمة اجتماعيّة، ختار هوّي و رفقاتو يزورو دار للعجزة. وصلو و شو انصدم هالزغير لمّا شاف جدّو هونيك! جدّو اللي كان عايش معن و مرّة اجا من المدرسة ما لاقاه و بس سأل عنّو قالولو اهلو انّو سافر عند عمتو...
تخايلو خيبة امل هالولد...
الأهل اللي اهتمّو فينا من نحنا و زغار و سهرو حدنا بس مرضنا و حرمو حالن من كتير اشيا تا يأمنولنا كل شي منحتاجو تا كبرنا...بس هنّي صارو بحاجة لرعاية منتركن؟ عرفو قيمة نعمة الأهل و كرموهن و قَضّو وقت معن طول ما هنّي موجودين و تذكّرو انّو في ناس مستعدّة تدفع عمرها كلّو تا ترجع تشوف امها او بَيها اللي خسروهن لو للحظة... للمرّة المليون منذكّر بوصيّة ربنا النا: اكرم اباك و امّك...