منتدى الفرح المسيحى - راوي الانتصارات

https://upload.chjoy.com/uploads/161161059233221.jpg

فيه ناس كل ما تقابلها تحكي لك عن امجادها : قابلت مين ،
و اشترت ايه و صرفت كام و ساعدت مين و راحت فين ،
و انتصرت علي مين في المناقشة ، و خدت حقها من مين ..

و فيه ناس شبعانة و مليانة ، من غير ما تتكلم حياتها و نجاحاتها بتتكلم عنها ..
يمكن (بالكتير) لما حد يسألها ترد بتواضع ، و تجيب الفضل كله لربنا ، و من قلبها ..

اللي طول ما هو قاعد يتكلم عن أعماله ، يمكن الناس تسمعه علي مضض،
لكن عمرها ما تقبله و لا تحترمه ، بينفر الناس منه و يقفل قلبهم عنه
و يثير حسدهم و غيرتهم و غضبهم..

و اللي بيعمل و ينجح من غير ما يتكلم أو "يصوت قدامه بالبوق" (متي ٦ : ٢)
، يجد في قلوب الناس كل الترحيب و الحب و الاحترام و التقدير