منتدى الفرح المسيحى - شخصيات كتابية نتعلم منها ( العذارى الجاهلات )

https://upload.chjoy.com/uploads/161136385873961.jpg

العذارى الجاهلات

1- عذارى في استقبال العريس
نفس الصفة في كل العذارى
نفس الملابس
نفس المصابيح
كانت لهم نفس الفرصة
2- عدم الاستعداد
زي ما عرفنا بالأمس بأن العريس لن يعطي ميعاد لمجيئه ويظل العذارى منتظرين مجيئه بالمصابيح
فظنوا ان العريس مش هيتأخر
أو ظنوا ان الزيت في المصابيح هيكفي
فكان خطأهم الكبير هو عدم استعدادهم
3- الاتكالية
زي كل إنسان كسول يتكل على غيره
شافوا العذارى الحكيمات شايل معاهم أواني مليانة زيت
قالوا في نفسهم "لو خلص الزيت ناخد من العذارى الباقيين"
وزي ما بيقول الناس "خدنا في جناحك"
4- ضياع الفرصة
لما طلبوا من العذارى الحكيمات انه ياخدوا زيت منهم
رفضت العذارى الحكيمات (وده حقهم) وقالوا "لعله لا يكفي لنا ولكن) اذهبن بالحري إلى الباعة وابتعن لكن
تخيلوا معي الموقف
الوقت نصف الليل
وهم دايرين في الشوارع يدوروا على بائع للزيت
ومن المحتمل انهم رايحين عرس مش مجهزين فلوس للشراء
ومن المحتمل انهم أخدوا وقت طويل بدليل ان العرس انتهى وأغلق الباب
تعالوا نطبق اللي اتعلمناه
1- كل البشر عند ربنا واحد فلا تفرق بين الناس لا في جنس ولا لون ولا دين ولا عقيدة
تعامل مع البشر بإنسانيتك والله وحده هو اللي يحكم في اليوم الأخير
2- كن مستعد دائما للقاء إلهك واسأل نفسك السؤال ده "لو مت دلوقت هروح فين؟"
3- روحيا لا تتكل على غيرك لأن كل واحد يسعى لخلاص نفسه
وجسديا ملعون من يتكل على زراع بشر
4- حافظ ان تزخر لنفسك أعمال صالحة تليق بأن تكون مستعد ليوم العرس حتى لا يغلق الباب وتصرخ ربنا ربنا افتح لنا فيقول لك "إني لا أعرفكم"