منتدى الفرح المسيحى - يبلع لك الزلط

https://upload.chjoy.com/uploads/161130845947031.jpg

يبلع لك الزلط..

ما اصدق المثل العبقري "حبيبك يبلع لك الزلط
و عدوك يتمني لك الغلط" ..

لو حد بيحبك ح يلتمس لك العذر ،
و يدور لك علي مخرج و يدافع عنك
و يبرر لك موقفك ، و يقف ضد الكل علشانك ..

و لو حد كارهك ح يلاقي ألف ثغرة يهاجمك منها
، و يطلع لك "القطط الفاطسة" في كل نقطة ،
و يقلب عليك الناس و يشيل قلبهم ضدك
، و يشهر بحسناتك علي انها غلطات..

الدروس :

الدرس الاول ، لو لقيت حد كارهك ،
ما تتعبش نفسك و لا تضيع وقتك في المناقشة معاه
لأن اللي في القلب في القلب ..

اما الدرس الثاني : المدخل الأول لاصعب الناس هو قلبهم قبل عقلهم .. لازم يحبوك الأول و بعدين ح يقبلوا منك كل حاجة ..

و ده يخليك في علاقتك مع اي حد قبل اي حوار ، تبذل كل الجهد لتأسر قلوب الناس بلسانك العطر و كلامك الجميل و خدمتك الصادقة ..

كده ح تلاقيه يبلع لك "كل الزلط" ..