منتدى الفرح المسيحى - عندما "يفتح الله" السما

https://upload.chjoy.com/uploads/16110165246491.jpg

عارف ليه بارك الله سام و "فتح" له كل انواع البركة ؟؟
لانه "ستر" علي أبيه نوح لما شرب من الخمر و سكر فتعري (تكوين ٦) ..

رفض الاولاد الاتقياء فضح عورة ابيهم اللي سكر و تعري ، فكان تصرفهما العظيم اللي نال رضي الله : " فَأَخَذَ سَامٌ وَيَافَثُ الرِّدَاءَ وَوَضَعَاهُ عَلَى أَكْتَافِهِمَا وَمَشَيَا إِلَى الْوَرَاءِ، وَسَتَرَا عَوْرَةَ أَبِيهِمَا وَوَجْهَاهُمَا إِلَى الْوَرَاءِ. فَلَمْ يُبْصِرَا عَوْرَةَ أَبِيهِمَا. (تكوين ٩: ٢٣) ..

علشان كده "فتح الله" عليهم أبواب البركة،..
و في المقابل لعن كنعان (نسل حام ) اللي لم يستر علي أبيه ..

كده نفهم ايه ربنا لما يلاقيك "بتستر" علي الغلطان و "تغطي عورته" و عيوبه امام نفسك و أمام الناس يفتح لك بركات السماء و الارض ..

و كده برضه نفهم ليه السماء انفتحت اليوم في عيد الغطاس "فَلَمَّا اعْتَمَدَ يَسُوعُ صَعِدَ لِلْوَقْتِ مِنَ الْمَاءِ، وَإِذَا السَّمَاوَاتُ قَدِ انْفَتَحَتْ لَهُ "(متى ٣: ١٦) ..
لان السيد المسيح جاء "ليستر" العالم و يحمل خطاياهم ..

هو الساتر و الستار ، و يا بخت اللي يشاركه في عمل الستر علي الغلطانين ، تنفتح له السما و ينال كل البركات ..

كل عيد غطاس و الجميع بخير ..