منتدى الفرح المسيحى - قدروا نعمة الأهل

https://upload.chjoy.com/uploads/161101534721171.jpg

بقى عندى اقتناع تام اننا بنتجوز ونخلف عشان
بس نكمل الجزء الناقص فتربيتنا
مهما كانت غﻻوة اهلك عمرها ماهتبقى زى لما تتجوزى
. بيزيد شوية تقدير :)
بتقدرى كل حاجه تافهه لما تشوفى الصوره من بعيد
و تبقى انتى صاحبة الصوره
كل الى كنتى شايفه تقصير منهم بتكتشفى انه كان تقصير فحق نفسهم
بتحسى بنعمة اﻻكل الى ديما جاهز وموجود .النوم فاى وقت
. المصروف الى بيبقى كل تفكيرك هتضيعيه فانهى حاجه تافهه
. واهم من ده كله انك مش شايله هم حاجه
وراكى ضهر ساندك وهو الى شايل الهم عنك ♥
مشفتش وحده مهما كانت عﻻقتها باهلها وحشه قبل الجواز
اﻻ وفعﻻ حست بقيمتهم بعد الجواز
بتبقى عاوزه كل شويه تروحى تساليهم انتو كنتو عايشين ازاى وازاى مفيش مره حسينا ان ناقصكو حاجه .
ازاى مكناش بنحس ان الحاجه كانت بتتعمل بمجهود وكانت بتبان انها سهله. ازاى ماما كانت تخلص شغل البيت
وتدخل المطبخ تغسل المواعين تطلع بحلة محشى وصنية بطاطس فنص ساعه وانا حياتى بتنتهى وانا بعمل شوية مكرونه :D
ازاى كنتو بتحسسونا ان الحياه بسيطه وسهله
وفاﻻخر نتصدم بارض الواقع كده :💔
ربنا يباركلهم بحق ماكبرونا من غير مايحرمونا من حاجه
حقكو علينا والله
ربنا يدلكم كل الصحه والعمر الطويل ياارب ♥