منتدى الفرح المسيحى - كل سنه وهو بيجدد عهد ووعد ولادته لينا

https://upload.chjoy.com/uploads/161018336672551.jpg

كل سنه وهو بيجدد عهد ووعد ولادته لينا
كل سنه وهو بيمتعنا بابوه ثابته متزعزعهاش ظروف
كل سنه وهو اله الفرصه التانيه واب اللحظات الاخيره
كل سنه وهو مرتب لخبطتنا ومقدس قلوبنا باصرار محبته
كل سنه وهو مش ناسى المرزول والمطروح والمنسى واللى فى عيون الناس مش كد المقام
كل سنه وهو بيعلن بكامل ارادته وقوته انه مستعد يغير قلبى مهما كانت حالته
كل سنه واحتفال ميلاده للعادى والبسيط واللى بره التقدير
كل سنه وهو بيعلن وبشده ان احلى هديه ليه مش اللى جاتله من ٢٠٢١ سنه لكن قلبك اللى اتقدمله واترمى بين ايداه
كل سنه وقلبك حتى لو كان مزود هو ف عينه احلى من احلى قصر ملوكى بارضياته المفروشه ذهب وحيطانه الشيك المتزخرفه
يمكن لميلاده تاريخ معين بنتلم ونحتفل بيه لكن الحقيقى هو كل يوم بيتولد وفى كل يوم فى مزود بيتحول لموضع راحته ومكان سكناه
كل سنه وانت المكان اللى بيتنهد فيه تنهيده الراحه كل سنه وانت مذوده اللى هيخرج منه خبر الفرح ونهايه الم قلوب استنت كتير ميلاده ..❤❤